Ubhaliso lozalo ngemuva kwesikhathi kwenziwa lapho ubhaliso lwenziwa ngemuva konyaka ngemuva kokuba ingane izelwe.
Gcwalisa ifomu le-BI-24/1 lokuzalwa okubhaliswa ngemuva konyaka, kodwa kungakedluli iminyaka engu-15.
Gcwalisa ifomu le-BI-24/15 lokuzalwa ngemuva kweminyaka engu-15.
Fakela ikhophi eqinisekisiwe yedokhumende kamazisi kamama, uma abazai bengashadile noma kanye nekababa yokuvuma ubuzali. Kanti uma ubaba emukela ubuzali, fakele amakhophi aqinisekisiwe abo bobabili abazali, amadokhumende kamazisi.
Fakela isitifikedi esivela esibhedlela noma semathenithi lapho ingane eyazalelwa khona. Isitifikedi kumele sisayinwe ngumuntu ophethe indawo kanti kumele sibe negama elisemthethweni lesikhungo kanye nesitembu.
Fakela isiqiniso semininingwane yengane njengoba ikhonjiswe kurejista yesikole noma kwisitifikedi sesikole ingane eyaqala kuso, esisayinwe nguprinsipali . Isiqiniso kumele sibe nenombolo kaprinsipali kwi-letterhead enesitembu sesikole nosuku.
Fakela nesitifikedi sengane sokubhabhadiswa, uma sakhishwa eminyakeni emihlanu ingane izelwe.
Uma abazali bengekho, isitatimende esefungelwe kwabesemthethweni i-afidavithi yesihlobo esisondelene kakhulu naye, kodwa esineminyaka emidala enganeni okungenani ngeminyaka engu-10, kanti futhi isihlobo esazi kabanzi ngemininingwane yokuzalwa kwengane, okumele kuhambisane nobunjalo nesimo sengane.
Fakela isitatimende esivela kumuntu onalwazi ngabazali bomenzi wesicelo buqu. Lo muntu kuzomele ahambe nomenzi wesicelo ehhovisi lezaseKhaya lapho umenzi wesicelo kanye nalowo muntu bezophengululwa khona ngemibuzo emagumbini ehlukene.
Izicelo zingathatha izinyanga ezingu-3 ukuya kwezingu-6.
Le nkonzo ngeyamahhala ayikhokhelwa.
Qaphela: Amafomu awatholakali kulayini we-internethi. Sicela uxhumane nehhovisi eliseduze lonyango.
